ნაფერი

ნაფერი — დაბრუნება ფესვებთან — ეს არის ბრენდი, რომელიც ეფუძნება მეღვინეობის იმ დიდებული ტრადიციის აღორძინებას, რაც საუკუნეების განმავლობაში ქმნიდა ქართული კულტურისა და სულიერების მყარ საძირკველს. სახელწოდება „ნაფერი“ სწორედ იმ მრავალსაუკუნოვანი ურთიერთობის ხასიათიდან მოდის, რაც ქართულ ხალხსა და ვაზს შორის ჩამოყალიბდა — ურთიერთობის, რომელიც დღესაც განუყოფელ ნაწილად რჩება ქართული იდენტობისა და ცხოვრების წესის. მარანი მდებარეობს ისტორიულ სოფელ ნავაზში, რომლის სახელწოდების ეტიმოლოგიაც და სოფელში აღმოჩენილი არტეფაქტებიც ადასტურებს, რომ ეს ადგილი ოდითგანვე იყო მევენახეობა-მეღვინეობის ერთ-ერთი კერა. სოფლის შუაგულში დგას ძველი ციხე-სიმაგრე, რომლის ნანგრევებში აღმოჩენილი ქვევრები ადასტურებს, რომ ამ სოფელში საუკუნეების წინ ღვინოს ქვევრებში აყენებდნენ. ამ მტკიცებულებებს ემატება ადგილობრივი მოხუცების ზეპირი გადმოცემები, რომლებიც დროთა განმავლობაში გადაეცემოდა თაობიდან თაობას. რამდენიმე საუკუნის განმავლობაში ეს ტრადიცია დაკარგული იყო. სოფელში აღარავინ დარჩა, ვინც მეღვინეობას გააგრძელებდა. მაგრამ ყველაფერი შეიცვალა, როდესაც ერთმა ადამიანმა, ბავშვობაში მიღებული შთაბეჭდილებებისა და სამშობლოს სიყვარულის ფონზე, გადაწყვიტა დაებრუნებინა მარნის ისტორია. სწორედ იმ ადგილას, სადაც ბავშვობაში ისმენდა ციხის, ქვევრებისა და ვაზის ამბებს, გადაწყდა მარნის აღდგენა. „ნაფერი“ მხოლოდ ღვინის მწარმოებელი არ არის — ესაა მოძრაობა, დაკარგული მემკვიდრეობის აღორძინება. მიზანია შთაგონება მისცეს ახალ თაობას, დაანახოს მათ რომ მეღვინეობა შეიძლება იყოს არა მხოლოდ პროფესია, არამედ ცხოვრების გზა. ეს არის მოწოდება ღირსების, თავდადების და ფესვებთან დაბრუნებისკენ. ყოველი ბოთლ ღვინოში იგრძნობა ისტორია, მეხსიერება და ტრადიციის რწმენით გაგრძელება. „ნაფერი“ — ესაა იმ მცდელობის სახელი, რომლითაც ერთი სოფელი თავისი ფესვებს უბრუნდება.