მარანი 1915

„მარანი 1915“ – მარანი, რომელიც აგრძელებს ისტორიას. მარანი 1915 წარმოადგენს ოჯახურ მეღვინეობას, რომლის ისტორია 1915 წელს იწყება - დროს, როდესაც მეღვინეობა საქართველოში არ იყო ბიზნესი. ის იყო ცხოვრების წესი, შინაგანი კულტურა და სულიერი ვალდებულება წინაპრებისა და ქართული მიწის წინაშე. თითოეული ქვევრი ინახავდა მხოლოდ ღვინოს კი არა, არამედ ადამიანების გულწრფელობას, მოთმინებასა და რწმენას. დღესაც, საუკუნეზე მეტი ხნის შემდეგ, ეს ღირებულებები უცვლელად გვამოძრავებს ჩვენი ვენახები გაშენებულია ალაზნის ველზე, კავკასიონის მთების წიაღში - დაცული ადგილწარმოშობის მიკროზონებში: მუკუზანი, ვაზისუბანი, გურჯაანი და კახეთი. ეს ადგილები საუკუნეების განმავლობაში ითვლებოდა ქართული მეღვინეობის გულად. სწორედ აქ იზრდება ყურძენი, რომლის მოვლა არაკონვენციური, ბიომეთოდებით ხდება - ქიმიური ჩარევის გარეშე, ბუნების რიტმების პატივისცემით. მიკროკლიმატის ჰარმონია და ნიადაგის მრავალფეროვნება ყურძენს ანიჭებს იშვიათ სისუფთავესა და სიღრმეს. ღვინო იწარმოება უძველესი ქართული ტრადიციით - ასწლოვან ქვევრებში, მიწაში დაფლულ ჭურჭელში, რომელიც ბუნებრივ გარემოს ქმნის ღვინის დამწიფებისთვის. ჩვენი მიდგომა ეფუძნება მინიმალურ ჩარევას და მაქსიმალურ მოთმინებას, რადგან ჩვენთვის დრო არის მთავარი ინგრედიენტი - ის, რასაც ვერ ჩაანაცვლებს ვერცერთი ტექნოლოგია. მაარანი 1915 აწარმოებს შეზღუდული რაოდენობით, პრემიუმ ხარისხის ღვინოებს - მათთვის, ვინც აფასებს მემკვიდრეობას, ბუნებრივ გემოს და ტრადიციას, რომელიც დროში არ იკარგება.